KRALENDIJK/DEN HAAG- Museo di Reino (Rijksmuseum) ta organisá un konkurso pa fotógrafonan hóben den reino. Hóbennan di hinter Reino, por partisipá na e konkurso. 

E tema di e konkurso ta ‘Resiklahe’. Esaki ta bai tokante kosnan ku por usa di nobo, kos nan ku por drecha pa un segundo vida òf separashon di shushi. 

E 10 mihó partisipantenan lo wòrdu selektá dor di un komishon di profeshonal, huntu ku públiko general, ku lo por vota ònlain. Dia 23 di sèptèmber lo anunsiá e ganadónan. 

Partispashon

Esnan ku ke partisipá mester manda nan pòtretnan promé ku día 6 di yüni 2022. Esaki por via di e lenk https://www.rijksmuseum.nl/nl/onderwijs/voortgezet-onderwijs/havo-vwo/talentprogrammas/docnljr/aanmelden

E seri di pòtret mester ta akompañá pa un deskripshon kòrtiko di kiko e pòtretnan ta ilustrá.