Notisia

Museo Terramar ta presentá ‘Odyssee d’Amour’

KRALENDIJK- Djasabra último 18 di mart a presentá den Museo Terramar ‘Odyssee d’Amour” di produktor Pim de la Parra.  Por gran parti a graba e pelíkula riba e isla.

E pelíkula ta forma un parti esensial di e patrimonio kultural Boneriano. E pelíkula sinembargo ta forma parti di e kolekshon di Eye Film Museum na Amsterdam. Tin kondishonnan estrikto, limitashon- i gastunan mará na e presentashon na Boneiru.

Danki na e bon koperashon i ku ayudo di Wereld Natuur Fonds (WNF) e museo a logra di trese e pelíkula Boneiru i present’é akinan. E presentashon ta forma parti di un programa mas grandi, kaminda Museo Terramar, den koperashon ku WNF, ta bai presentá mas pelíkula relevante pa Boneiru.

Museo Terramar tin un kantidat limitá di lugá pa sinta i nos mester anda konsientemente ku esaki teniendo kuenta ku reglanan di kandela i seguridat. P’esei kasi semper mester reservá lugá pa un evento partikular den Museo Terramar.

Ripitishon 

Museo Terramar ta den konsulta ku WNF pa wak si un ripitishon di e pelíkula na Boneiru  ta alkansabel finansieramente. Si resultá ku esei ta e kaso, Museo Terramar lo organisá un di dos presentashon riba término korto. Pa un di dos posibel presentashon reservashon delantá ta keda nesesario.

Deel dit artikel
Rocargo
Rocargo
Rocargo
Rocargo