Notisia

Na Aruba partido di oposishon MAS ta bolbe pidi pa wak den e rapòrt di “Centrale Accountantsdienst”  CAD  tokante Kas di Aruba

ORANJESTAD – Na Aruba partido di oposishon Mas ta bolbe eksigí pa tira un bista den e rapòrt di “Centrale Accountantdienst” tokante Kas di Aruba

Esaki a hasi un investigashon na iregularidatnan pa ku kompensashonnan den Kas di Aruba, despues di kual e minister plenipotensario, Guildred Besaril, a tuma retiro diripiente. E tempu ei no a duna un motibu ofishal pa su retiro. 

Ya for di 10 di yüni MAS a pidi pa tira un bista den e rapòrt  i a bolbe hasi esaki riba 1 di yüli. Pero no a bin un reakshon di parti di promé minister Evelyn Wever-Croes.

Esaki ta primi aun mas, segun MAS, pasobra ya a kuminsá si ku restrukturashon di Kas di Aruba. Segun e partido gobièrnu mester responsabilisá na Parlamentu i transparensha ta eksigí ku ta manda e rapòrt di CAD pa parlamentu.

Deel dit artikel
Rocargo
Rocargo
Rocargo
Rocargo