Na Saba 87% di hóben entre 12 ku 17 a bakuná kaba

The Bottom, Saba- Meskos ku tabata e kaso ku bakunashon di adulto, e proseso di bakuná hóben na nos hermana isla Saba ta bayendo hopi bon.

Segun informashon di gobièrnu di Saba, na e momentunan aki ya 87% di hóben na e isla a risibí e promé angua kaba kontra di Corona. Na Saba e bakunashon ta tumando lugá ku e bakuna merikano Moderna.

Saba ta e úniko isla di e islanan hulandes den Karibe, kaminda mas hende a bakuná ku ta e kaso na Boneiru. Na saba masomenos 93% di tur hende di 18 aña bai ariba ta kompletamente bakuná. Esaki na Boneiru ainda no a yega 80%, aunke ku kasi 82% di e populashon a risibí al ménos 1 angua kontra di Corona.