Notisia

Nature Foundation St. Maarten preokupá pa fuga di kombustibel den awanan rònt e isla

Despues di e insidente por a mira kombustibel ta drif riba laman. Pòtret: Nature Foundation

PHILIPSBURG- St. Maarten Nature Foundation ta preokupá pa e echo ku kada bes tin kombustibel ta lèk den e awanan rònt di St. Maarten. 

Dia 13 di yüni último atrobe tabata tin un fuga di kombustibel na e empresa Sol Antilles, ku ta provee e isla ku kombustibel manera zeta ku gasoline. 

Empleadonan di Sol Antilles, huntu ku empleadonan di Nature Founation a purba kontené e daño, pero na mes momentu a konstatá un falta di sufiisente material pa saka tur kos for di laman. 

Maneho

Nature Foundation ta bisa ku, despues di e di tantu insidente ku a tuma lugá den último añana aki, ta importante pa kada empresa, ku ta traha ku materialnan ku por ta dañiño pa naturalesa tin ámbos material i e protokòlnan nesesario pa atendé ku lèkmentu di kombustibel òf otro sustansianan ku por kousa daño na medio ambiente.

Tambe, Nature Foundation ta kere ku mester bin ku sierto kambio di maneho pa evitá ku e insidentenan aki ta sigui pasa ku mesun regularidat. 

Deel dit artikel
Rocargo
Rocargo
Rocargo
Rocargo