KRALENDIJK – Den preparashon riba BON DOET 2025 diferente NGO (fundashonnan ku ta komprometé nan mes pa entre otro bienestar di grandinan, muchanan òf medio ambiente) a sigui un tayer práktiko tokante media sosial i spònsermentu. NGO Plataforma a organisá e tayer huntu ku Oranje Fonds.
Durante e tayer e partisipantenan a haña tepnan útil tokante kon nan por uza media sosial pa hasi nan organisashon mas visíbel. Riba plataformanan manera Facebook, Instagram i LinkedIn NGO-nan por kompartí nan mensahe, atraé boluntarionan nobo i yama atenshon riba nan aktividatnan di BON DOET. Hasi uzo di imáhennan atraktivo, publiká regularmente aktualidatnan i enbolbí bo siguidónan mediante interakshon ta elementonan krusial pa engrandesé e visibilidat di bo organisashon. Asina bo por inspirá mas hende pa inskirbí pa e trabounan i bo ta yuda engrandesé e impakto di Bon Doet.
Partisipá ku BON DOET 2025!
BON DOET ta e akshon boluntario mas grandi di Boneiru i ta tuma lugá riba 16 i 17 di mei 2025. Tur hende por partisipá! Si bo ta ábil, gusta organisá òf yuda hende – tin semper un trabou ku ta pas ku bo.
Por registrá via: www.bondoet.com Òf tuma kontakto via WhatsApp: 777-2366 E-mail: ngo.bondoet@gmail.com