Ningun kaso nobo di Covid na Boneiru djasabra

Kralendijk- Pa djasabra no tin ningun kaso nobo di Covid-19, a pesar di e echo ku 324 hende a pasa tèst djabièrnè. Di otro banda, niun hende no a rekuperá tampoko.

Esaki ta nifiká ku ta keda ku un total di 18 kaso aktivo na Boneiru. Esaki por konsiderá un bon resultado. Esaki no ta kita ku Kòrsou mientrastantu, a kuminsá kategorisá Boneiru komo un pais di riesgo haltu. Ki konsekuensia práktiko esaki lo bai tin no ta konosí ainda.