Salubridat públiko

Niun hende ta komprondé dikon tin asina tantu kontagio na Boneiru

Dr. Loes Jaspers durante konferensia di prensa.

KRALENDIJK- Tin bastante interogante, tambe bou di eskpertonan, dikon e kantidat di kaso nobo di Covid na Boneiru ta asina haltu.

Esaki tumando na konsiderashon e echo ku 83% di poblashon adulto ya a risibí por lo ménos 1 angua, i un gran mayoria ya ta kompletamente bakuná. Tambe bou di hóbennan un porsentahe di 50% a risibí por lo ménos 1 angua.

Segun dr. Loes Jaspers di Salubridat Públiko, aktualmente ta mirando na Boneiru ku di esnan kontigiá 30% ta kompletamente bakuná i 70% ta hende ku no ta bakuná.

Esaki tòg no ta splika dikon no ta lográ dominá òf al ménos kontené e brote mas resien di Covid-19 na Boneiru.

Dòbel

Na Kòrsou aktualmente e kantidat di kasonan nobo diariamente ta kai den kareda di 35 – 50 kaso. Mester tuma na konsiderashon e echo ku Kòrsou su poplulashon ta sigur 8 biaha mas grandi esun di Boneiru. Mirando di e forma aki por bisa ku na Boneiru (0,07%) e prevelensia di kaso relatá na poblashon total, aktualmente ta sigur dòbel esun di Kòrsou (0,03%)

Deel dit artikel
Rocargo
Rocargo
Rocargo
Rocargo