ORANJESTAD – Ayera koriente a kai afó na Aruba i a keda afó kasi 10 ora. Mei mei di e oranan tabata reanudá e produkshon, pero e tabata kai afó di nobo. Kousa tabata fayo di un instalashon nobo di un motor Recip.

Ainda WEB ta investigando pakiko e motor aki a kai afó. Si e kompania sa ku e sistema outomátiko ku mester prevení “black outs”, no tabta funshoná.

WEB ta sospechá ku e kousa ta serka e motornan, pero no kier a adelantá riba resultadonanan di e investigashon.

Ayera na sierto partinan di Aruba e preshon di awa tambe a kai afó. E produkshon di awa na Aruba, meskos ku na Kòrsou, mester di koriente pa sirkulashon bai e tankinan di almasenahe. Nèt tabata hasi trabou di mantenshon na un tanki di almasenahe na Alto Vista.