KRALENDIJK- Te ainda no ta parse ku ta logrando pa frena e último ola di Covid-19 na Boneiru.

Aunke e kantidat di kasonan total aktivo di Covid a baha bèk for di loke e tabata ta algu dia atras, kada dia tòg tin hopi kaso nobo. Pa djaluna esaki no a resultá diferente, ku un kantidat di 22 kaso nobo, di hende ku a pasa tèst den wikent.

Gobièrnu tur dia ta skibiendo den su relato pa prensa ku ’tin bon bista riba e fuente’, pero apesar di esaki no ta logrando di frena e kantidat di kontagio nobo riba base diario.

Manera AworBonaire a skibi den su artíkulo ayera, mientrastante Boneiru ta e isla ku e grado mas haltu di kontagio, kontá pa 100.000 persona di tur e islanan di pasado Antia hulandes i Aruba.

Un bon notisia sinembargo ta e echo ku e kantidat di persona interná den hospital pa motibu di Corona a baha di 5 bai 4 persona.