For di 9 di aprel mainta tin un erupshon di e volkan La Soufrière na e isla karibense Sint Vincent. E as di e volkan a yega un altura di 8 pa 10 kilometer riba 9 di aprel 2021.

E shinishi i e gasnan di e volkan ta bayendo direkshon ost. Si e shinishi i e gasnan aki ta yega Boneiru ta dependé di e altura ku e as ta drenta atmósfera i e direkshon di bientu na e altura ei.

Na e momentonan aki i dianan binidero tin un bientu biniendo for di direkshon wèst. Si sosodé ku e shinihsi volkániko aki yega Boneiru lo ta trata un parti masha fini konsiderando e distansia. No ta ferwagt esaki mirando e direkshon di bientu aworakí. Kompanianan di aviashon ta tene e kondishon aéreo na bista i lo tuma medida si esaki ta nesesario. (Washington VAAC https://www.ospo.noaa.gov/…/volcanoes/SOUFRIEREST.html).

Gasnan volkániko, despues di a pasa un distansia largu, lo ta asina tiki, ku ta ku aparatonan spesialisá so por midi’é. E kantidat aki ta asina tiki ku e no ta un peliger pa salubridat.