Notisia

No tin interes pa bula pa Caracas

WILLEMSTAD – E interes pa bula pa Caracas awor ku a habri frontera ta keda ainda hopi abou. Ningun kompania di aviashon di Kòrsou a registrá serka outoridatnan di aviashon sivil di e isla. 

Kompanianan Venezolano Laser i Albatros si ke kuminsá bula e siman aki mes ku buelonan charter.  

Servisionan regular ta posibel te 1 di yüli numa. 

E motibu di kompanianan di Kòrsou pa no bula ta e deskonfiansa enorme ku tin den proseduranan di imigrashon sólido. Aparentemente Venezolanonan mester tin sufisiente sèn i rekurso pa por drenta.

E kompanianan di aviashon ta responsabel pa e kòntròl riba esaki i mester tuma pasaheronan bèk atrobe riba propio gastu.

Ademas e kompanianan di aviashon ta deskonfiá si e outoridat di valuta Cadivi ta transferí e sèn di pasashi ku nan bende na Venezuela den dòler.

E barkunan di fruta di Venezuela si ta bini Kòrsou, ounke esei por dura un tiki mas. E doñonan di barku Venezolano na Vela di Coro tin pensá despues di Semana Santa, pues pa por bini Kòrsou atrobe despues di Pasku di Resurekshon ku  bèrdura, fruta i piská.

Deel dit artikel
Rocargo
Rocargo
Rocargo
Rocargo