WILLEMSTAD – A sera tur plazo di e kasnan di defensa na Aruba i Kòrsou ku ta bai bende. Te próksimo aviso no tin kasnan di defensa na benta mas riba ámbos isla. E sitio wèb www.caribbean-houses.com no ta disponinel mas i no ta aktualis’é mas.

E empresa inmóbil di Reino a bolbe bende un kantidat di kas di defensa. Ta trata di nuebe kas den e bario Julianadorp i un kas na Seru Grandi na Kòrsou.

Na 2016 a bende e promé kasnan di defensa ku tabata dimas. Esaki a sosodé via benta públiko dilanti di un notario. Na 2022 mientrastantu benta di kas number 9 tabata riba programa. E djes kasnan ku ta situá na Kaya Baganja tur ta bendé.

E Empresa inmobilario di Reino ta kai bou di Ministerio di Asuntunan Interior i Relashonnan di Reino i ta enkargá ku entre otro benta di bienes inmóbil ku ta dimas.