No tur hende ta koperá ku Salubridat Públiko pa estudio di fuente i kontakto

KRALENDIJK- No ta tur hende ta koperando manera mester ta ku e departamenti di Salubridat Públiko na Boneiru, ora ta purba saka afó for di unda kontagionan nobo ku Covid-19 a sosodé.

Esaki a sali na kla durante konferensia di prensa ku gezaghèbert Edison Rijna a duna djaweps atardi.

“E departamentu di Salubridat Públiko ta traha duru pa haña un bon bista di unda e fuentenan di kontagio ta. Ta di lamentá ku ta sosodé tin biaha ku hende no ke koperá ora e departamento ta hasi investigashon di fuente i kontakto. “, asina Rijna a bisa.

Importante

Rijna a mustra riba importansia pa hasi e tipo di investigashonnan ak, pa dominá e kontagionan na nos isla. “Si Salubridat Públiko aserká bo pa partisipá na e investigashon di fuente i kontagio, por fabor hasi esaki i kooperá. Ta na interes di  nos un i tur”, segun apelashon di e mandatario.