Notisia

Nyorka Lindenborg ta firma su buki ‘Maffiameid’ djaweps na Zen’s Bar & Café

Nyorka Lindenborg ta firma su buki ‘Maffiameid’ djaweps na Zen’s Bar & Café
E autor mes lo tei presente pa firma su buki Mafiameid

KRALENDIJK- Nina di ‘Maffiameid’ ta na Boneiru, un dama ku tin masha atenshon riba dje último tempu. Ta trata di e persona ku a lansa un buki ku ta karga e nòmber ‘Maffiameid’, awor ku un dokumental tambe. 

Nina ta su beinam, Nyorka Lindeborg, ta su nòmber. Un dama ku a pasa den hopi kos, entre otro bendementu di droga, mundu di prostitushon, resultá den prison na algun okashon, sinembargo el a bula di e banda negativo pa esun positivo. Awor un hende, bibando den un otro forma di bida. E no ta atendé ku nada ku ta inkorekto manera e tabata hasi. ‘MaffiaMeid’ ku a keda publiká na 2017, ta den su di 5 imprenta i ta un hopi gusta na Hulanda, Boneiru, Aruba i Kòrsou. 

Atenshon

E buki ku a sende lus grandi den su mente, ku nunka el a pensa di haña asina atenshon, pa algu positivo. Beibel ta e úniko buki ku a bende mas tantu na Kòrsou, ku esun ku e a skirbi yamá ‘Maffiameid’. E ke ta ehèmpel pa esnan ku ta tuma desishon sin pensa i kai den mal kaminda, pa nan pensa bon i skohe pa bon desishon, pa no lamentá den bida. Djaweps atardi na  Zen’s Bar & Cafe, ta bai tin bendementu di buki i Nina lo ta presente pa kòmbersá i firma e buki nan.        

Deel dit artikel
Rocargo
Rocargo
Rocargo
Rocargo