Entrante e aña eskolar akí SGB, den kolaborashon ku partnernan lokal i sektor empresarial, ta ofresé aktividatnan kurikular adishonal na e unidatnan VMBO, Liseo, Speciale Lesplaatsen (SLP) i MBO. Pensa riba aktividat deportivo, aktividat artístiko manera drama, baile i ekspreshon, aktividat empresarial i proyektonan ku ta toka un tema sosial.

Ofisina di aktividat di SGB ta regla organisashon i koordinashon di loke SGB ta brinda. Pa harma e programa di aktividat akí, nos ta en buska di partnernan (sosial) pa sigui amplia e oferta aktual, pa tur alumno i studiante por partisipá. Ta e intenshon pa e proyektonan kontribuí na reforsá abilidatnan sosial di e alumno- i studiantenan. Proyektonan dirigí riba durabilidat tin preferensia. Lo skohe e proyektonan ku ta kumpli mihó ku esaki, ademas di ta konektá bon na persepshon i eksperensia di e grupo meta.

E Programa Nashonal di Enseñansa ta hasi posibel pa e añanan ku ta bini, skolnan atendé retrasonan relashoná ku covid. No ta trata solamente di retraso riba tereno di desaroyo kognitivo, pero tambe di desaroyo sosial emoshonal i bienestar di e alumno- i studiantenan. SGB ta haña importante pa no solamente tin bista pa kualifikashon, pero hustamente tambe pa inisiativanan ku ta kontribuí na promové kompetensianan sosial di su alumnonan. Pues, no èkstra beilès so, sino tambe traha espasio pa aktividatnan ku ta engrandesé konfiansa propio i kapasidat pa yuda kurpa di e alumnonan.

Solamente empresa- i zzp-nan inskribína Kámara di Komèrsio di Boneiru, por entregá un petishon. Si skohe bo proyekto, e or’ei ademas bo ta obligá na presentá un VOG (Deklarashon di bon kondukta).

Bo proyekto òf aktividat ta kumpli ku e deskripshon ariba? Usa e siguiente lenk pa entreg’é: https://forms.office.com/r/8Cem8XJjDz. Ultimo fecha pa entregá proposishon di proyekto ta 14 di òktober 2022. Nos ta spera boso reakshon ku mashá interes!

Pa pregunta, tuma kontakto ku nos na: [email protected]