Ofisina di Impuesto i Duana ta sera di forma preventivo

Kralendijk- Debi na oumento fuerte di kasonan di covid riba e isla, ofisina di Impuesto (Belastingdienst C/N) i Duana na Boneiru lo ta será pa bishitante preventivamente di 8 te ku 29 di mart 2021.

E ofisina di haf di Duana na Boneiru si ta keda habrí.

Servisio rápido na kliente

Pa por sirbi kliente mas rápido i mihó, Belastingdienst ta keda alkansabel via +599 715 8585 òf Balie@belastingdienst-cn.nl.

Por akudí via e adrès di meil aki ku preguntanan ku normalmente lo a pasa na bali di Belastingdienst, manera:

• Pregunta tokante tur tipo di ‘aangifte’ i komportashon di ‘aangifte’;
• Petishon manera: DIGID, number di crib, deklarashon di entrada, deklarashon di asistensia hurídiko, areglo di pago i posponementu di pago;
• Hasi kambionan manera: kambio di number di kuenta  i/òf adrès;
• Tur pregunta di Duana.

E adrès di meil helpdesk@belastingdienst-cn.nl tambe ta keda disponibel pa pregunta tokante di ICT pa tur tres isla. Por entregá dokumento libramente despues di orario di ofisina tambe den e buzon banda di e entrada prinsipal di ofisina di Belastingdienst na Boneiru.

Belastingdienst ta urgí klientenan gustosamente pa skohe solamente un kanal di kontakto. Pues sea manda un meil òf yama na telefòn. Uso di diferente kanal di kontakto na mesun momentu no ta nesesario. Ta yuda kliente den un biaha sea via di meil òf na telefòn.

Hasi ‘aangifte’ online

Habitantenan i empresarionan na Boneiru por hasi nan ‘aangifte’ di ABB, LH i ‘verzamelloonstaat’ online, na un manera fásil, seif i rápido. Si mester yudansa pa hasi esei, nos hèlpdèsk ta semper disponibel pa yuda. E adrès di meil helpdesk@belastingdienst-cn.nl ta keda disponibel, solamente pa hasi pregunta tokante ICT i hasi ‘aangifte’ online.

Entregá personal

Por entregá dokumento libramente den e buzon banda di e entrada prinsipal di ofisina di Belastingdienst. Ta risibí un meil di konfirmashon di e dokumento entregá huntu ku stèmpel di Belastingdienst mas lihé posibel. Si BCN no tin bo adrès di meil, ta manda esei via di post.

Ta posibel pa scan i manda e ‘aangifte’ via Balie@belastingdienst-cn.nl.

 Hasi ‘aangifte’ online via e wèpsait https://www.belastingdienst-cn.nl/ ta mas rápido.

---

Lesa tambe:

• 
  Kiwanis Club of Kralendijk Bonaire tin un direktiva nobo i ta selebra di 5 aniversario 
• 
  Bonaire Tourism Summit 2023 a start na Courtyard Hotel
• 
  Paga tinu riba uso di awa | Aviso
• 
  JetAir Caribbean Ta Cuminsá Buelanan pa Boneiru dia 1 di November
• 
  Servisionan di investigashon di krímen ta interseptá boto ku paranan eksótiko i arma