Notisia

Operadó nobo ta almasená  petroleo  den tankinan  na Bullenbaai

WILLEMSTAD – Caribbean Petroleum Refinery, e susesor previsto di PdVSA, a entregá ayera pa promé biaha produktonan petrolero na Bullenbaai. Ta trata di 600.000 barí di gasoil komo parti di un akuerdo di almasenahe. 

Esei ta pará lòs di e akuerdo di mas aña, ku ta referí na funshonamentu i eksplotashon di e refineria i terminal di Bullenbaai, ku RdK i CPR ta negoshando aktualmente.

E akuerdo ta enserá ku CPR por almasená te shete mion di barí na produkto riba e terminal.

Normalmente e terminal di Bullenbaaai ta ekipá pa almasená krudo,  pero e último kuater siman Curaçao Refinery Utilities, CRU,a traha duru pa laga e terminal kumpli ku e normanan di seguridat haltu ku ta eksihí. A transformá un parti di e terminal pa funshoná komo área di almasenahe pa krudo.

CRU a tuma mientrastantu 20 èks-trahadó di Isla di nobo na trabou. E oumento di aktividatnan  na Bullenbaai ta nifiká tambe trabou èkstra pa e kompania di tou KTK.

E terminal por almasená na e momentu aki 2.4 mion di barí di gasoil, 4.1 mion di barí di zeta krudo i 350 mil barí di disel. CPR ta usando e kapasidat total ku ta disponibel.

E oumento di e aktividatnan na Bullenbaai ta kontribuí na e aktividatnan di e kompania di tou di KTK, ku ta un servisio esensial pa reanudá e aktividatnan na e refineria.

Deel dit artikel
Rocargo
Rocargo
Rocargo
Rocargo