Konseho Insular a ripará ku mester duna informashon na pueblo loke ta korekto. Un punto ku a hala mi atenshon ta ku konsehal Coffie ta bai un debate tokante enseñansa na Hulanda. Mi ta spera ku e konsehal tabatin kombersashon ku henter e kampo di enseñansa i ku Konseho Insular a formulá ki ta bai trese dilanti den e debate òf ta solamente idea di M21 ta e punto di salida? 

Enseñansa den su forma aktual ta terorismo institushonal. Tur mainta e terorismo ta kuminsá ora alumnonan tin ku bai skol. Na skol e terorismo ta kontinuá ku kòntròl di hùiswèrk, sigui rápido di un tópiko ku no ta bon tratá pa un otro pasobra mester sigui e skema ku ta un otro desaster pa e alumno ku ya tin un retraso. Ta bini un tèst, un prufwèrk, un “overhoring” un training pa eksámen. Despues di skol un makutu yen di tarea pa hasi na kas i tambe bai “beilès”  Akohida despues di skol ta kontinuashon di terorismo. Mayornan ta pone preshon pa e yu hasi su bèst. Arma di e teroristanan ta; hùiswèrk, prufwèrk i sifra. Beilès i akohida despues di skol ta institutonan pa gana sèn pa terorismo eskolar keda eksistí. 

Algun pregunta na e teroristanan. Kuantu prufwèrk ta duna pa aña, kiko e promedio ta pa siman, ki e balor agregá na e alumno su desaroyo ta, pakiko mester duna hùiswèrk i si e alumno no traha ki e sanshon ta. 

Mi konklushon: Alumnonan ta bou di strès, demotivá i neglishá. Skol no ta dushi mas. Despues di skol alumnonan mester ta liber pa hasi loke nan gusta i no bai kas ku skol. Alumnonan mester hunga, nada di hùiswèrk. Terorismo ta sigui ora alumnonan drenta e trayekto di trabou. Ta bini functioneringsgesprek i funtiebeoordeling. 24 di yanüari ta dia internashonal di enseñansa. 

Sindikatonan Uní lo mester organisá riba e dia e un kongreso ku oradónan ku por ehèmpel e tópiko: “Enseñansa di speransa”. Gobièrnu mester kontestá den ki direkshon Bonaire su komunidat tin ku bai. Traha un komishon bou di presidensia di Lydia Emerencia pa inovashon den enseñansa.    

Arthur Sealy