Notisia

Otro siman Rutte ta papia tokante di despensa pa sklabitut na Catshuis

DEN HAAG – Prome minister Mark Rutte ta papia riba 8 di dezèmber ku algun organisashon tokante e despensa di gabinete pa e pasado di sklabitut Hulandes. Tantu ANP komo Algemeen Dagblad ta menshoná esaki.

E plan ta ku ocho mandatario, entre kua Mark Rutte mes, lo ofresé despensa riba 19 di dezèmber na diferente parti di mundu. Algun organisashon, ku ta atendé ku e pasado di sklabitut, ta preukupá ku e plan. E momento, e kontenido i e ehekushon ta lanta pregunta. E seshon na Catshuis ta duna Mark Rutte e oportunidat pa papia riba esaki.

Minister Hanke Bruins Slot di Asuntunan Interior i Relashonnan di Reino ta skirbi den un karta na Kamer ku e gabinete riba 8 di dezèmber entre otro lo bai mas den detaye ku esnan embolbí di e parti Karibense di Reino, Sürnam i Hulanda.

Ku esaki e gabinete ke yega na un reakshon ku ta lanta interes i ku ta hustifiká e nifikashon i e persepshon di e pasado di sklabitut.

Riba 19 di dezèmber no ta bai ekspresá despensa so, pero tambe e gobièrnu Hulandes ta bai reakshoná supstansial riba e rekomendashonnan ku tin den e rapòrt ‘Ketenen van het Verleden’.

Durante e reakshon di e gabinete lo elaborá ámpliamente riba e rekomendashonnan di e grupo di diálogo, inkluso e despensanan. Durante e enkuentronan ku ta sigui e miembronan di e gabinete lo elaborá tambe ku esnan embolbí  riba e reakshon di e gabinete. Pues e reakshon lo no ta konosí promé ku dia 19 di dezèmber.

Deel dit artikel
Rocargo
Rocargo
Rocargo
Rocargo