Gobièrnu

Otro vupá ku sifranan di Covid

Kralendijk- Gobièrnu di Boneiru ayera a saka sifranan kompletamente inkorekto ora ta trata di sifranan di Covid-19 riba nos isla. Ayera a raportá ku 74 hende a rekuperá loke lógikamente tabata mustra komo un bahanda basta drástiko den e sifranan total di Covid, te bou di 200.

Awe merdia e departamentu di komunikashon, huntu ku sifranan pa 5 di aprel, a manda un korekshon riba e sifranan di ayera. Na lugá di 74 hende, ta solamente 34 a rekuperá. Esaki ke men ku realmente tabata tin 222 kaso aktivo ayera, na lugá di e 183 ku a raportá ayera.

Pa awe, djaluna e sifranan no ta dje positivo tampoko. Dos hende mas a fayesé na e konsekuensianan di Covid-19. Tin 6 hende di un total di 18 hende ku a bai tèst ku a sali positivo, i tin 1 hende mas ku a rekuperá.

Ta di spera ku no ta bolbe manda korekshon riba e sifranan di awe. Kasi tur dia e departamentu di komunikashon ta korigí e sifranan di dia 1 te 2 biaha, loke ta inakseptabel. Aunke tur hende ta komprondé ku por hasi fout, no por ta asina ku sifranan ta wòrdu raportá dia aden dia afó ku no ta kompletamente korekto i kontrolá.

Deel dit artikel
Rocargo
Rocargo
Rocargo
Rocargo