Outor ta entregá buki na minister Van Engelshoven

KRALENDIJK- Outor di e buki Monument Bonaire a probechá e presensia di minister di enseñansa i kultura, Ingrid van Engelshoven, pa hasi un entrega di su buki tokante monumentunan na Boneiru na e minister.

Segun Groenenboom, e ta hañando hopi reakshon positivo riba e buki. “Hopi hende ku ta mira e pòtretnan anto nan ta bin kontami algu di e edifisio konserní òf di historia di nan famia. Hopi di e pòtretnan ta trese memoria di antes serka hopi hende na Boneiru”.

Benta

Un promé pedido di buki a yega Boneiru djabièrnè i a keda distribuí pa e diferente lokalidat ku lo bende e bukinan, manera Bruna, Van den Tweel supermarket, Multishop Hato, DelMarie i Valerie’s Airport Shop.