Notisia

Outoridatnan di Haf di Kòrsou ta papia tokante di konsekuensianan di krísis klimatológiko pa Kòrsou 

WILLEMSTAD – Resientemente Outoridatnan di Haf na Kòrsou a start un investigashon riba konsekuensianan di kambio di klima pa e hafnan di Kòrsou. Djaweps benidero ekspertonan di e fundashon Hulandes Climate Adaptation Services ta tene un charla tokante di e investigashon aki.

Pédzi Flores Girigori di Servisio Meteorológiko di Kòrsou ta introdusí e charla. E ta konta tokante e Curaçao Climate Change Platform, ku a lanta e aña aki i e aktividatnan ku e plataforma ta organisá.

Den e charla di  Climate Adaptation Services ta splika e peliger-, efekto- i riesgonan di kambio di klima pa e hafnan di Kòrsou i ki situashon di wer ekstremo Kòrsou por spera riba término korto i término largu. 

Tambe ta duna informashon di e Atlas di efekto di Klima ku e fundashon a traha huntu ku diferente otronan pa e situashon Hulandes i e lèsnan ku nan a siña di esaki.

E presentashon ta na Ingles i ta tuma lugá djaweps awor 10 di novèmber di 7’or pa 9’or di anochi den Aula di Universidat di Kòrsou.

Deel dit artikel
Rocargo
Rocargo
Rocargo
Rocargo