WASHINGTON – Presidente Biden di Estados Unido a risibí ayera Ozzie Albes i e tim kompleto di Atlanta Braves na Kas Blanku, pa motibu di e viktoria di Braves durante World Series 2021.

E tim ta na Washington pa un seri di tres partido kontra Washington Nationals. E tim di Braves ta drenta e último parti di e temporada regular ku un puesto den play-off ku a finalisá kaba, pero nan ta purba ainda pa pèrsiguí New York Mets pa liderasgo den MLB.

E segunda base Ozzie Albes ta konta Gray Television’s Washington News Bureau: “Ta un sensashon inkreíbel pa ta aki nan. Mi ta wak pelíkula tur ora i di pafó ta fantástiko pa ta aki nan.”

Presidente Joe Biden a enfatisá kon Braves tabata parse sin skapatorio na ougùstùs 2021 i ku nan lo a keda for di e play-offnan te ora finalmente nan a gana World Series. E presidente a yama e karera di e tim: “Un di e kambionan mas grandi den historia. E promé título den 26 aña.”

Na final di e seremonia e tim di Braves a entregá presidente Joe Biden un suèter di World Series, ‘Biden 46’.