Notisia

Pa di tres biaha masterclasses di mediashon den kasonan penal i derecho di rehabilitashon

WILLEMSTAD – Ministerio Públiko ta sigui ku masterclasses di mediashon den kasonan penal i derecho di rehabilitashon. Esaki ta pa di tres biaha kaba.

Via mediashon pa rehabilitá den kasonan penal e sospechoso i e víktima por papia bou di guia ku otro di e loke a sosodé i loke mester pa drecha of remediá e asuntu.

Mediashon den kasonan penal ta un forma di derecho di rehabilitashon i ta tuma lugá den sala di korte, bou di guia di mediadónan spesialisá. Mediashon di rehabilitashon ta posibel den tur sorto di kaso penal, di menasa òf ladronisia te aksidentenan di tráfiko of violensia serio.

Na aprel 2022 a entrená un grupo selektá pa mediadó den kasonan penal. E mediadónan aki por bai supervisá mediashonnan den derecho penal na Kòrsou.

Na mes momentu e siman ku a pasa un grupo di 12 persona a finalisá e spesialidat pa mediadó di rehabilitashon.

Mediashon di rehabilitashon ta sosodé semper riba un base boluntario, pues solamente si ámbos partido ke.

Mediashon den kasonan penal i mediashon di rehabilitashon ta bini banda di e posibilidat pa kuminsá ku ‘Restorative Justice/Practise’, lokual ta eksistí kaba riba e isla lòs di derecho penal.

Asina tin den kada fase, tantu promé, durante komo despues di un kaso penal,  e posibilidat pa esnan enbolbí den delitonan drenta den kontakto ku otro,  papia i pensa huntu kiko nan nesesidat ta pa den futuro i kon por remediá esaki.

E Masterclasses i e kurso  ta na enkargo di Rebecca Leeuwenberg i Kim Roelofs di Amsterdam. Nan ta traha akinan huntu ku dosentenan di Kòrsou. Den koperashon ku Ministerio Públiko i Korte di Kòrsou a realisá e proyekto aki. Nan a haña sosten finansiero di sektor turístiko.

Deel dit artikel
Rocargo
Rocargo
Rocargo
Rocargo