Kralendijk- Sin konstrukshon di un lugá nobo pa warda kombustibel na Bonaire e suministro di koriente i gasolin pa outo ta den peliger. Esaki Minister Bas van t Wout a skibi den un karta pa Parlamentu Hulandes.

E problema ta sinta den un polémika ku a surgi pa motibu di Partij voor de Dieren (PvdD). Segun e partido isquierdista, konstrukshon di Bonaire Brandstof Terminals (BBT) ke men ku Boneiru pa hopi tempu ta keda dependé riba kombustibel klasiko manera disel ku gasoline. E partido lo preferá pa enfoká di biaha riba fuentenan di energia bèrdè, manera energia solar i tambe di bientu.

Van t Wout ta skibi den su karta ku e idea pa generá mas energia ‘limpi’ riba su mes ta un bon idea, pero ku elo no remediá e nesesidat agudo pa tin un parke di tanki kaminda por warda diferente tipo di kombustibel. E situashon a bira agudo despues ku BOPEC a sera su porta i areglonan temporal pa fyul pa entro otro WEB produsí koriente ta yegando nan fin.

Moshon

PvdD a prepará un moshon ku ta deskonsehá konstrukshon di BBT i pa, na su lugá enfoká riba bustkamentu di alternativa. Van ’t Wout ta skibi den su karta pa Tweede Kamer ku e mester deskonsehá parlamentu hulandes pa vota na fabor di un moshon di PvdD. Segun Van ’t Wout retraso den konstrukshon di e terminal, lo por kondusí na un situashon kaminda e isla ta bai keda sin fyul pa produsí koriente.