Kralendijk- Entra djamars dia 23 di mart 2021, biaheronan ku ta biaha pa isla hermana di Kòrsou mester hasi un tèst di PCR ku resultado negativo, pa por subi avion.

E medida aki a wòrdu partisipá den un Curaçao Civil Aviation Authority (CCAA) pa entre otro aerolínea i aeropuertonan. Hopi hende sinembargo no ta na altura di e medida (nobo) aki.

Ya pa algun siman ta rekerí PCR pa biaha di Kòrsou pa Boneir, pero awor esaki mester tuma lugá ámbos ora di bai i ora di bin. Esaki ta nifiká, banda di e molèster, tambe un kargo finansiero basta pisá. E montante pa e dos pruebanan di PCR ta sali mas karu ku e pasashi bai-bin entre e dos islanan sea ku EZ Air of Divi Divi.

Riesgo haltu

Paseheronan ku ta biaha for di paisnan di riesgo haltu, segun kategorisashon di Hulanda, mester pasa tambe un tèst di antígeno òf un asina yamá NAAT tèst dentro di 24 ora promé ku yegada.