Notisia

Paga tinu pa froude ku faktura

KRALENDIJK – Unidat di Delito Sibernétiko di KPCN a risibí vários notifikashon di kompanianan na Boneiru tin molèster di (intento) di froude ku faktura. Den tur e kasonan aki ta trata aki di faktura personifiká falsu ku montantenan basta grandi.

E negoshante ta risibí un faktura falsifiká for di nòmber di un kontakto komersial eksistente. Den hopi di e kasonan aki, e estafadó ta interseptá e faktura original (físiko òf digital). Seguidamente ta kambia solamente e number di kuenta pa esun di e kriminal. E negoshi ta paga e faktura ku el a spera, pero ta transferí e plaka riba number di kuenta di e estafadó.

Ta importante pa tur parti di un organisashon ta konsiente di e forma di froude aki. P’esei, hasi  froude ku faktura un tema di diskushon den negoshinan, spesialmente den departamentonan unda ta prosesá órden di pago. Tep pa empleado:

  • Verifiká e adrès di e-mail di esun ku manda e órden òf faktura, esaki ta realmente e adrès di e-mail di e kompania òf di e kontakto?
  • Kontrolá semper e number di kuenta di e resipiente ku propio atministrashon;
  • Verifiká e pago yamando e dunadó di órden (nombrá) na telefòn; Usa pa esaki e number di telefòn ku ta konosí kaba; no usa esun ku tin huntu ku e órden di pago. E number ei por ta di e estafadó.
  • Sea alerta pa èksküs pa kiko un pago mester ta urgente i desviá for di prosedura normal;
  • Sea alerta pa yamada telefóniko i mensahe di e-mail ku un karakter konvisente/fòrsá;
  • Establesé instrukshon/direkshon pa fakturá klaro i deskribí ei den ken por ehekutá órden di pago si tin faktura ku nó ta aprobá. Purba evitá eksepshon i sòru pa semper tin vários firma bou di un órden di pago (separashon di funshon òf outorisashon dòbel). Dos persona semper ta mira mas ku un persona ta mira;
  • Den kaso di duda, konsultá semper ku un kolega òf supervisor.

Víktima di froude ku faktura
Yama banko mas rápido posibel si a hasi un pago na un estafadó. Semper hasi denunsia òf notifikashon na KPCN. Denunsia òf notifikashon na polis ta yuda identifiká e malechornan, sera sistemanan di atake i evitá mas víktima. Tambe KPCN por yuda deskubrí kua vulnerabilidat digital e kompania tin. Por ehèmpel, un notifikashon anterior di kriminalidat sibernétiko tabata trata di pèrdida/lèkmentu di dato (dato di inisio/login) ku e kompania mes no tabata na altura di dje. Ademas, denunsia por yuda e persona ku sí mester a risibí e plaka ora tin kualkier disputa. Esaki por ta un elemento importante den e areglo.

Deel dit artikel
Rocargo
Rocargo
Rocargo
Rocargo