E temporada aki ta esun ku klima mas kayente di aña. Hopi ta hasi uso di èrko pa kompensá e kayente. Usa esaki konsiente. Na lugá di baha e temperatura paden te ku 16 grado, pone bo èrko na 25 grado. 25 grado ya kaba ta un diferensia grandi kompará ku temperaturanan aktual i p’esei lo hasi espasionan mas fresku. Òf usa un fan na lugá di èrko. E medidanan aki lo no redusí solamente bo kuenta fin di luna, e lo yuda WEB tambe pa sigurá kapasidat di produkshon pa tur hende durante e temporada aki i redusí konsumo di kombustibel riba e isla.

Usa koriente di un manera sabí i responsabel. Di e manera aki bo por spar hopi i ta kontribuí na kontinuidat di suministro di koriente riba nos isla.