Den 50 munisipalidat di Hulanda, un paquete di tarea special pa wordu usá pa stimulá lesamentu entre hobennan i pa papia tokante temanan rondo pobresa basá riba e bukinan. Na petishon di biblioteka di Boneiru, lo bai manda un paquete di les adaptá pa Boneiru pa e aña eskolar benidero.

Esaki a keda kontá pa Rochelle Heerema, miembro di Rotary Club Den Haag-Nieuwspoort, durante un enkuentro di lunch di Rotary Club Boneiru. Rochelle a notá e problemátika di pobresa na skol den su bario. Muchanan ku no por a partisipá den aktividatnan ku ta requeri un kontribushon, muchanan ku ta bai skol sin desayuno, etc. Muchanan por a papia liberamente tokante esaki, pero adultonan tabata tin difikultat ku esaki.

Na 2019, Rochelle a tuma e inisiativa pa fundá e fundashon Positive Minds pa yuda hobennan krese i desaroyá nan talentonan. E fundashon a desaroyá un paquete di  tarea pa stimulá lesamentu entre hobennan i pa papia tokante temanan rondo di pobresa basá riba e bukinan. E pakete di les no solamente ta kontené bukinan, pero tambe un plan di tarea i tips pa maestronan ku ta usa e pakete di tarea den klas. Tin tambe tarea nan pa studiante, diseñá pa diferente nivel pa asina tin tarea adekuá pa tur mucha. Tarea original pa grupo chikí manera: krea un kanto tokante loke bo a lesá. E pakete ta kontené tambe bukinan i audio. Na petishon di biblioteka di Boneiru, e fundashon aktualmente ta eksplorá e posibilidatnan pa krea pakete nan di tarea pa e islanan ABC.

Pa evalua e nesesidat, Rochelle a papia tambe ku Fundashon Boneiriano pa lesa I skibi  i ku biblioteka. Tambe e la bishitá Aruba i Kòrsou. Huntu nan ta trahando pa krea un pakete di tarea adaptá pa e islanan ABC, ku lo inkluiendo bukinan na Papiamentu i Spaño.

E intension ta pa e pakete di tarea ta disponibel den e aña eskolar benidero. Skolnan por planifiká e pakete di tarea den nan kurríkulo i prestá dje na biblioteka. Asina, e pakete di tarea por ta usa durante henter e aña. P’esaki, por bira posibel tambe pa yama outornan pa partisipá den un les.