Kralendijk- E bùbel di biaha entre Boneiru i Kòrsou ta keda na vigor por lo pronto. Un post di e aerolinea Divi Divi Air a krea manera un pániko bou di biahero i residente i tabata hopi komentá awe.

Kòrsou a kategorisá Boneiru komo un pais di riesgo haltu entrante 3 di oùgùstus próksimo. Divi Divi a base di esaki a konkluí ku esaki ta nifiká outomátikamente ku tur biahero, sea bakuná òf no lo mester bolbe hasi PCR pa por biaha pa Kòrsou.

ABC Online media, di entre otro Bonaire.nu i AworBonaire.nu a tuma kontakto ku gezaghèber Edison Rijna for di djasabra mainta, pero esaki no por a konfirmá ku lo tabata tin kambio den e kondishonnan pa biaha entre e islanan bou di e asina yamá bùbel.

Djasabra anochi Divi Divi a publiká un post nobo riba su Facebook, koregiendo e informashon anterior.