Notisia

Parkrangernan ta trein akshonnan di reskate ku wardakosta

WILLEMSTAD – E parkrangernan di Parke Nashonal Kristòfel a presensiá na Wardakosta Karibe un entrenamentu di simulashon ku lo yudanan mehorá e kolaborashon durante akshonnan di reskate. 

Sa sosodé ku bishitantenan ku subi seru Kristòfel, no por baha e seru riba nan propio forsa. Na momentunan asina parke Kristòfel ta traha huntu ku Wardakosta Karibe. Si un persona, pa kualke motibu, no por bin abou bèk di forma independiente, e helikòpter ta ser utilisá pa transportá e persona for di e seru. 

Treinen di simulashon

Dor ku esaki ta un akshon di reskate kompliká, e parkrangernan a trein e akshon di reskate aki na Wardakosta. Nan a partisipá na un treinen di simulashon kaminda un kama di reskate a ser hisá i poné den e helikòpter i nan a risibí instrukshon kon nan por asistí e tim di reskate di e mihó forma posibel. 

Tambe di e forma aki e parkrangernan tabata tin e posibilidat di konosé e tim di reskate di un otro manera. Pa mehorá e bon kolaborashon tin mas treinen planifiká den futuro ku lo duna ambos tim e posibilidat pa sigui praktiká akshonnan di reskate.

Deel dit artikel
Rocargo
Rocargo
Rocargo
Rocargo