Kralendijk – Djaweps 20 di mei 2021, negoshadó di sindikatonan i RCN a firma un akuerdo tokante adaptashon di e areglo di penshun i e kondishonnan laboral pa ámtenarnan di Reino na Hulanda Karibense.
Pa prevení un retraso grandi den entrada ora trahadó baha ku penshun, ta subi edat pa baha ku penshun te ku 66 aña entrante 2030. Banda di esei a limitá akumulashon di penshun te ku un entrada anual di $47.500 máksimo i a modernisá e penshun di invalides. Ku e medidanan aki ámtenarnan di Reino no mester paga prima èkstra pa sigurá nan penshun den futuro.
Banda di e akuerdo tokante penshun, a palabrá e kondishonnan laboral entrante 2021 pa un periodo di tres aña. Tur ámtenar di Reino por konta ku un kompensashon di un solo biaha e aña aki ainda. Mas aleu ta introdusí un siman di labor di 36 ora entrante 2022. Esaki mester mehorá e balansa entre trabou i privá di trahadónan. Ku esaki ta krea tambe mas o ménos 50 kupo di trabou nobo den gobièrnu sentral riba e tres islanan di Hulanda Karibense. RCN i e sindikatonan ta haña e kontribushon na empleo aki importante, prinsipalmente pa motibu di e konsekuensianan ekonómiko di Covid-19.
Lesa tambe:
- Famia tin mas ku djes dia ta buska Pedro Werleman ku ta pèrdí
- ‘Kada minister di Kòrsou un tarheta di krédito di 25.000 dòler pa biahamentu, lo spar sèn’
- Búskeda di e persona pèrdí Arthur ‘Turbo’ Cecilia ta kontinuá
- Daisy Coffie (M21) ke wòrdu aktualisá tokante situashon na Bonlab
- Arjen de Wolff a huramentá komo grifir interino
No tin kambio den kantidat di kasonan aktivo di Covid
Cft: “Presupuesto balansá i realístiko ta di gran importansia” 
Luis Moka Rei di Tumba Boneiru
Siudadanonan ménos pudiente por kalifiká pa 1.300 dòler pa paga koriente
