KRALENDIJK – Djasabra ultimo enfermero-, asistente- di enfermeria i dòkternan di kas a sigui kontinuashon di un tayer di Fundashon Alzheimer Bonaire. E tema di e tayer tabata ‘Seksualidat i intimidat na momentu di demensia. Kiko nos mes ta eksperensiá….. kiko nos ta enfrentá  i kon nos ta anda kuné riba nos islanan’. Na final di e tayer e partisipantenan a risibí un sertifikado.

Na luna di sèptember 2021 Fundashon Alzheimer Bonaire a organisá e promé lektura i tayer riba e tema aki. Siman pasá djabièrnè a kontinuá ku esaki pa kuidadónan di famia/konosí i interesadonan. Djasabra a toka turno na enfermeronan, asisitentenan di enfermeria i dòkternan di kas.

Riba invitashon di Fundashon Alzheimer Bonaire dòkter Nienke Smits i Remo Kock (CEO na SABA CMCC) di Aruba e lektura. Tantu e partisipantenan komo e direktiva di Fundashon Alzheimer Bonaire ta mira bèk riba un tayer fruktífero.