Pasahero for di Kòrsou, Aruba i St. Maarten ya no mester hasi tèst antígeno

Kralendijk- Pasahero biniendo Boneiru for di Kòrsou, Aruba i Sint Maarten, ya no mester di hasi un tèst antígeno mas. Un resultado negativo di PCR tèst 72 ora promé ku yegada, ta sufisiente pa drenta Boneiru.

Pronto lo tuma desishon si ta laga personanan for di Kòrsou, Aruba i Sint Maarten, ku a bakuná dos biaha, bini Boneiru sin ku tin ku hasi un tèst.

Hulanda

Pa pasaheronan biniendo Boneiru for di Hulanda nada no ta kambia. Nan tin ku mustra resultado negativo di un tèst antigéniko i PCR na yegada.