Notisia

Pasaheronan di barku krusero mester paga 10 dòler pa kabes entrante promé di yanüari 2023

KRALENDIJK- Pasaheronan di barku krusero, entrante promé di yanüari 2023 mester paga un montante di 10 dòler pa kabes na asina yamá head tax. 

Ya pa basta tempu tin un yamada pa hisa e tarifa ku kada pasahero riba barkunan krusero lo tin ku paga, pa asina Boneiru komo destinashon saka mas probecho finansiero di turismo krusero. 

For di durante epidemia di Corona a papia tokante e oumento aki, pero awor e lo bai bira realidat. Ta ser bisá ku sierto kompania di barku krusero ta kontra di e oumento, mientras ku otro si tin kompreshon pa e echo ku Boneiru ke gana mas pa kada kabes ku ta yega e isla ku un barku krusero. 

Deel dit artikel
Rocargo
Rocargo
Rocargo
Rocargo