Notisia

Paso pa paso Mariadal ta bai bèk na su operashon normal

KRALENDIJK – Segun espektativa e molèster komo konsekuensia di mal tempu ta keda limitá. Pa e motibu akí pa un gran parti Mariadal ta bai bèk na su operashon normal.

Fundashon Mariadal ta partisipá ku nan ta anulá e medidanan di prekoushon relashoná ku e situashon di mal tempu.

  • A yama e personanan ku riba djaweps 30 di yüni tabatin un sita na poliklínika òf pa hasi un operashon. Personanan ku no a haña un sita nobo ainda, lo risibí un yamada. Bo mes no tin mester di yama.
  • E sitanan pa djabièrnè 1 di yüli na un poli(klínika) of pa hasi un operashon ta keda konta.
  • E botikanan di Fundashon Mariadal ta habri atrobe awe djaweps 12 or di mèrdia. Esaki ta konta pa Botika Playa (hòspital), Botika Korona i Botika Rincon.
  • Laboratorio ta habrí awe djaweps for di 12 or di mèrdia te 3 or di tra’i mèrdia.
  • For di awe djaweps e oranan di bishita na Kas di Kuido, Special Care i Sentebibu (hòspital) ta na e oranan konosí atrobe.
  • Bishitantenan di Fundashon Mariadal mester tene kuenta ku posibilidat pa parker ta limitá pa motibu di molèster di awa.
  • Awe mainta Kuido na Kas (Thuiszorg) ta pasa solamente serka klientenan ku absolutamente no por sin yudansa. E otro klientenan ta haña un yamada di telefòn. Despues di 12 or di mèrdia Kuido na Kas (Thuiszorg) ta duna e kuido di kustumber.
  • Ka’i Mimina ta habrí for di 12 or di mèrdia.

Fundashon Mariadal ta pidi komprenshon pa e eventual molèster i ta purba pa mas pronto posibel duna e kuido ku pueblo di Boneiru ta kustumbrá kuné di nos.   

Deel dit artikel
Rocargo
Rocargo
Rocargo
Rocargo