Den Haag- E ‘pasport di bakunashon’ ku lo duna habitante de Union Europeo e posibilidat di bai di biahe na un manera mas fásil, unabes ku nan a bakuná lo konta pa e islandan hulandes den karibe tambe.

Esaki ta e resultado di diskushonnan den parlamentu europeo, na unda a diskutí riba e detayesnan di un dokumentu asina. Ku tur probablidat, e dokumento lo no haña e nòmber paspoort, pa evitá konfushon serka e biahero.

“Si yama e dokumentu un pasport tin e chèns ku e pasahero ta konfundí. Pasombra banda di e prueba di bakunashon, hende lo mester tin nan pasport normal pa por biaha. Ta pesei ta preferá di yama esaki ‘sertifikado di bakunashon’ asina Samira Rafaela, miembro di parlamentu europeo pa D66 a splika.

Overeas Countrie and Territories

Gobièrno i parlamento di Europa a disidí ku na e islanan i paisnan ku tin un relashon direkto ainda ku un pais madre, manera ta e kaso entre otro pa islanan BES i CAS, tambe lo por optené e sertifikado en kestion. Ku esaki, unabes ku un habitante di un di e islanan aki ta bakuná, e por biaha sin problema pa Hulanda, òf un di e otro paisnan di komunidat europeo.