Notisia

PCN lo por paga penshun un poko mas lat e luna aki

PCN lo por paga penshun un poko mas lat e luna aki

KRALENDIJK- Pensioenfonds Caribisch Nederland (PCN) ta avisando riba su wèpsait i otro medionan di komunikashon, ku posiblemente pagonan di penshun lo drenta un òf mas día lat e luna aki. 

Normalmente PCN semper ta paga hende mas tardá día 21 di luna. E luna aki, sin embargo, e fondo a haña su mes konfrontá ku algún reto. Di un banda tin empleado ku mester a bai den isolashon òf kuarentena. Na otro banda tin algún reto den atministrashon di e fondo, pa motibu di kambionan den montante di AOV. 

Evitá sorpresa

Segun Frederique van den Steen, responsabel pa komunikashon di PCN ta bisa ku hinter e tim ta trahando duru pa paga tur hende tòg na tempu. “Kisas nos lo logra paga tur hende na tempu, pero nos ke evitá sorpresa desagradabel serka nos penshonadonan, si akaso e pago no ta riba nan kuenta ainda pa e fecha di kustumber”, asina Van den Steen a splika. 

Deel dit artikel
Rocargo
Rocargo
Rocargo
Rocargo