The Bottom, Saba – Stichting Pensioenfonds Caribisch Nederland (‘PCN’) resientemente a presentá su plannan pa renobashon di hotèl/bar/restorant Scout’s Place na gobièrnu insular di Saba. E intenshon ta pa kuminsá ku e renobashon den e di tres kuartal di e aña akí.

Gobièrnu insular ta entusiasmá ku e diseñonan preliminar. E presentashon di e promé diseñonan pa restorá i amplia e edifisio ikóniko akí tabata hopi impreshonante, asina diputado di Turismo, Bruce Zagers, a deklará. “Scouts Place semper tabata importante pa Saba, no solamente pa turismo, pero tambe komo parti di nos patrimonio kultural. E desaroyo planiá di e edifisio akí lo duna un impulso importante na ekonomia di nos isla i na nos produkto turístiko. Ta hopi alentador pa mira proyektonan manera esaki desaroyá, kaminda e enkanto i arkitektura tradishonal lokal ta haña prioridat.”

Participatiemaatschappij Caribisch Nederland (‘PMCN’), e vehíkulo di invershon di PCN, ta kontentu ku e resepshon positivo di e representantenan di gobièrnu insular. Walter Blijleven, direktor di PMCN: “Nos esfuerso ta dirigí riba kreashon di un futuro nobo i briante pa Scout’s Place, kaminda ta duna e pasado gloria e lugá ku e meresé. Nos forma di traha lo ta karakterisá pa un manera natural i duradero, kaminda lo bolbe hasi uso di òf remplasá e elementonan esensial i karakterístiko, manera e famoso dekorashonnan ‘gingerbread’. PMCN tin tur konfiansa ku e Scout’s Place nobo lo bolbe logra atraé hopi turista di estadia pa Saba.”

PMCN na e momentunan aki ta hasiendo e último trámitenan pa un estudio di faktibilidat. PCN su esfuerso ta pa kuminsá ku e renobashon den e di tres kuartal di e aña akí, bou di kondishon ku resultado di e evaluashon ta positivo. Mas despues lo duna mas detaye.

---

Lesa tambe:

• 
  Vakatura Mechanical Engineer Sint Eustatius
• 
  Wardakosta ta introdusí helikòpter i avion nobo
• 
  JICN ta organisá merkado di informashon tokante Detenshon i Reintegrashon
• 
  Miembronan di Konseheo Insular huntu ku empleado di grefi a bishitá Post & Archief OLB
• 
  FKPD ta pasa maneho di kushina pa ZWG groep