Kralendijk- E periodista Zamir Ayubi ta e viktima mortal mas resien di Covid-19 na nos isla. E notisia a keda partisipá pa su ruman mayó, Aimed Ayubi.
“Mi no por kere ku e kos aki ta pasando ku mi ruman chikí”, asina Ayubi a ekspresá riba su página personal di Facebook. Algu despues e mester a anunsiá morto di e periodista poplular.
Krítiko
Zamir Ayubi lo keda kordá komo un periodista hopi krítiko pero tambe ku kurashi. E tabata tin e ‘don’ pa haña tur sorto di hende dilanti su mic na radio, entre otro sekretario di estado Raymond Knops i presidente di Sürnam, Santhoki. Den último añanan Ayubi tabata traha riba su mes emisora di radio ‘onlain’ Chill FM.
Aunke kosnan no tabata bai semper bon p’e komersialmente, Ayubi semper a keda un optimista i ku un entusiasmo ku niun hende no por a kita for di dje.
Inkluyendo Zamir Ayubi, awor aki tin 19 hende ku a fayesé na Covid-19 na Boneiru. ABC online media, dia kual AworBonaire ta forma parti, ta ekstendé palabranan di kondolensia pa famia i espesialmente yunan di e kolega defuntu.
Segun PM Ruggenaath: ‘Ta trahando riba ‘bubbel’ nobo pa biaha entre islanan ABC’
Kasonan di Covid ta sigui krese rapido
Kampaña ‘de baan van het leven’ a kuminsá
Daisy Coffie ta kondená ‘pelea inhumano’ den Kaya Grandi
