KRALENDIJK – Kooperativa Piskabon, huntu ku Federashon Kooperativanan Uní di Produkshon (FKUP) i WWF Dutch Caribbean, ta organisá un kurso pa piskadó i merkadero. E meta di e kurso ta pa informá i konsientisá piskadó riba Boneiru tokante e tratamentu di piská, asegurando e kalidat di piská riba e isla. E kurso ta dirigí riba piskadó, merkadero i tur persona ku ke siña mas tokante e tratamentu di piská, for di e momentu ku e piská ta wòrdu di kue, te na e entrega na e kliente.
Entre e tópikonan ku lo trata ta higiena i kuido di piská, i maneho di un negoshi chikí. E kurso lo kuminsá dia 25 di mart 2025 i lo konsistí di 6 seshon di 3 ora pa dia, tres biaha pa siman, di 18:00 te 21:00 ora den sala di Antriol Avanti.
Registrashon
Partisipashon ta kompletamente gratis, pero e number di lugá ta limitá. Personanan interesá por inskribí via e-mail (piskabon@gmail.com).