KRALENDIJK – E Inspekshon di Enseñansa resientemente a publiká tres diferente rapòrt tokante Komunidat di Skol Boneiru (SGB): unu tokante e administrashon, unu tokante e Aña Spesial di Enseñansa (SLP) i un tokante e unidat di VMBO.
E administrashon i e Aña Spesial di Enseñansa a ser evaluá komo sufisiente. E unidat di VMBO sinembargo a risibí un evaluashon insufisiente. Segun Inspekshon, e unidat di VMBO ta defisiente riba diferente punto, inkluyendo guiamento, aktitut pedagógiko-didáktiko i maneho di kalidat.
Además, Inspekshon a ekspresá preokupashon tokante e garantia struktural di e kalidat di enseñanza na VMBO. Komo reakshon riba esaki, e komunidat di skol a traha un plan di mehorashon, ku entre otro inkluí metanan di mehoramento konkreto, sosten na nivel di tim i un siguimentu i evaluashon sistemátiko.
Konfiansa
E presidente di e Kolegio di Maneho (RvB), Dennis Volmer, a enfatisá e importansha di enseñanza di kalidat na e unidat. “Nos no ta kontentu ku e evaluashon aki, pero nos ta rekonosé e imágen i nos ta asumí nos responsabilidat. Nos tin konfiansa ku nos lo logra e mehorashon nesesario.”