Polis na Boneiru a detené hòmber ku tabata kana zuai ku kuchú

KRALENDIJK- Den oranan di anochi riba djaweps 21 di yüli a drenta notifikashon tokante un hòmber ku tabata kana ku un kuchú den su man i ku tabata skòp vehíkulonan riba malekon situá na Kaya J.N.E. Craane. 

Un patruya ku mesora a yega na e sitio en bèrdat a topa ku e hòmber aki ku un kuchú den su man. E hòmber tabata mustra komportamentu agresivo. A dun’e vários òrdu pa laga e kuchú kai. El a duna oido na esakinan pero mesora kue posishon di bringa. 

Finalmente e agentenan a detené e hòmber di inisial E.M.H. di 37 aña di edat.