WILLEMSTAD – Polis di Kòrsou ta bolbe reuní awe bou di ora di trabou. Ayera tambe nan a reuní bou di ora di trabou, pero mester a suspendé e reunion pasobra minister di Hustisia, Shalten Hato, no a presentá.

Alrededor di 100 agente a bini ayera e edifisio di sindikato NAPB. Nan a traha un lista di djestres punto di preokupashon, ku ta trata spesialmente kon e aparato polisial mester atendé interno ku e agentenan, inkluso tratamentu despues di insidentenan, kaminda agentenan a haña leshon.

Mientrastantu mando polisial a notifiká ku ta pèrmití e agentenan pa reuní bou di ora di trabou, pero si pa propio gastu. No work, no pay. Tampoko no ta pèrmití pa usa outonan di polis i otro material pa asisití na e reunion.

Sindikato NAPB a reakshoná furioso riba e anunsionan aki i ta papia di intimidashon.