KRALENDIJK – Ayera, djaweps 31 di ougùstùs, a tuma lugá dos entrada hudisial na Boneiru den oranan tempran di mainta.

E promé a tuma lugá den un kas situá den e bario di Nikiboko i e di dos den un kas na Amboina. E entradanan ta relashoná ku sospechosonan di violashon di Lei di Arma i Munishon BES

Durante e entradanan no a haña arma di kandela. A konfiská algun item, probablemente prosedente di ladronisia. Tambe  a detené un hóben di 17 aña di inisialnan J.R.K. en konekshon ku e kaso. E investigashon den e kaso ta kanando ainda.