Polis ta hasi entrada hudisial na Kaya Nikiboko Nort

KRALENDIJK- Djasabra anochi Kuerpo Polisial (KPCN) a hasi un entrada hudisial na un establisimentu komersial na Kaya Nikiboko Nort. 

E entrada hudisial ta konsekuensia di un denunsia ku a hasi tokante un menasa ku un arma di kandela. “Sèmper ta tuma tipo de denunsia òf informshon relatá ku arma hopi na serio”, asina Milushka Hansen a laga sa di parti di Kuerpo Polisial. 

Durante e akshon lo a detené dos persona, pero esaki no a keda ofisialmente anunsiá pa kuerpo polisial.

Vehíkulo

Durante e entrada hudisial, ku a tuma lugá na un lugá di tatuahe, lo a tuma vários vehíkulo tambe den beslag. KPCN no ker a konfirmá djasabra anochi si e arma ku tabata wòrdu buská a wòrdu enkontrá si òf nò.