WILLEMSTAD – Polis ta kore e siman aki durante paradanan di karnaval den outonan limpi labá, segun polis ta informá den un deklarashon pa prensa.

Klientenan  di prizòn SDKK a laba e outonan riba tereno di ofisina di polis na Rio Canario. Nan a laba outonan di otro instansianan di gobièrnu tambe. No ta menshoná si e akshon tabata boluntario. E kabes di e notisia pa prensa ta papia di resosialisashon di klientenan di prizòn SDKK. Polis ta bisa ku nan ta agradesido pa e bunita inisiativa aki.

Gospel

A sera e dia ku un konsierto di gospel den prizòn  SDKK. Pa e okashon aki tabatin diferente artista presente i tambe lidernan spiritual.

Minister di Hustisia Shalten Hato a tene un charla di motivashon pa tur presente.