KRALENDIJK- Polis djarason mainta a para un grupo di sambuyadó awe mainta ku tabata prepará pa bai sambuyá banda di Chachacha beach.

Mientras ku e turistanan no a mira ningun peliger den nan akto, agentenan polisial a bin splika nan e peliger di mal tempu i a prohibí nan den drenta laman. Na mes momento por komprondé ku tin hende ku si a drenta laman kaba pa bai sambuyá den e wer ku te ainda ta trankilo.

Gezaghèber interino Nolly Oleana a hasi un apelashon riba tur hende pa para tur deporta akuátiko na e momentu nan aki te ku ora e mal tempu a pasa por kompleto. Entre otro a hasi yamada tambe na hende ku ta praktiká wentsùrf pero tambe kaitsùrf pa no subi laman mes.