Notisia

Por atmirá Gotomeer atrobe for di miradó

KRALENDIJK –  E tim di kap rama ku ta kai bou di Selibon NV ta sigui ku e trabounan ku diariamente nan ta desplegá riba nos isla. Resientemente e tim di kap rama bou di guia di Rolly Thomas a hasi limpiesa den e área na altura di e sitio pa stashoná vehíkulo ku bista riba Gotomeer konosí komo miradó. 

Ku e limpiesa akí nan a duna oido na e yamadanan pa tene e área di Gotomeer limpi, kaminda turistanan por saka foto di e saliña ku su islanan, e flamingonan i e serunan. Esaki no tabata por mirando ku palunan di mondi a krese i stroba e bista pa saka potrèt.

E siman akí e tim di kap a hasi un limpiesa rònt di e área di stashoná outo na Gotomeer pa asina tur bishitante por saka potrèt sin niun opstákulo pa stroba nan. Diputado Hennyson Thielman a bai personalmente pa asina pone su mes na altura di e trabounan  ku ta tumando lugá den e área menshoná i Rolly Thomas a duna e diputado tur informashon relashoná ku esaki. Por bisa ku den e área di Dos Pos tambe e tim a hasi  limpiesa kitando e ramanan ku tabata stroba e bishitantenan.


Deel dit artikel
Rocargo
Rocargo
Rocargo
Rocargo